خریداروں کے لیے احتیاطی تدابیر

رقم دینے سے پہلے

• جگہ خود جا کر دیکھیں اور مالک سے وہیں ملیں۔ دن کی روشنی میں اور کسی کو ساتھ لے کر جائیں۔
• مالک کا اصل شناختی کارڈ دیکھیں اور اسے کاغذات پر لکھے نام سے ملائیں۔
• فرد، رجسٹری یا الاٹمنٹ کی کاپی اپنے وکیل کو دکھائیں اور متعلقہ سرکاری ریکارڈ آفس سے خود تصدیق کروائیں۔
• اشتہار کا ریفرنس نمبر (MM-#####) اور تصدیق کا درجہ دیکھیں۔ زیادہ درجہ بہتر ہے مگر وکیل کی جانچ کی جگہ نہیں لیتا۔
• حدود، راستہ اور پڑوسیوں سے پوچھ گچھ کریں۔ بجلی، گیس اور پانی کے بقایا جات اور قبضے کی صورت معلوم کریں۔

دھوکے کی نشانیاں

• بازار سے بہت کم قیمت یا 'آج ہی فیصلہ کریں' کا دباؤ۔
• مالک ملنے سے بچے، یا کوئی اور (نمائندہ) بات کرے اور اصل مالک سامنے نہ آئے۔
• بیعانہ یا ٹوکن کسی موبائل والٹ یا نامعلوم اکاؤنٹ میں بھیجنے کا کہنا۔
• کاغذات دکھانے سے ٹال مٹول، یا ایک ہی پلاٹ کئی جگہ مختلف مالکان کے نام سے۔

رقم کیسے دیں

• بڑی رقم بینک کے ذریعے دیں (چیک یا بینک ٹرانسفر)، نقد نہیں۔
• ہر ادائیگی کی تحریری رسید لیں، اور سودا اسٹامپ پیپر پر تحریر کروائیں۔
• کاغذات کی تصدیق مکمل ہونے سے پہلے بیعانہ نہ دیں، اور دیں تو بہت تھوڑا اور تحریری معاہدے کے ساتھ۔
• میرا مکان آپ سے کبھی رقم نہیں مانگتا۔ کوئی ہمارے نام پر رقم مانگے تو یقین نہ کریں۔

کرایہ پر لینے والوں کے لیے

• کرایہ نامہ تحریری بنوائیں اور اس میں کرایہ، سکیورٹی، مدت اور شرائط لکھوائیں۔
• مالک اور پراپرٹی کی تصدیق وہی ہے جو خریداری میں، اور قانونی تقاضوں (مثلاً کرایہ دار کے اندراج) کے بارے میں مقامی طور پر معلوم کریں۔

شک ہو تو

اشتہار پر شکایت کا بٹن دبا کر ہمیں بتائیں۔ ہماری ٹیم اسے دیکھتی ہے، اور بہت سی شکایات آنے پر اشتہار جانچ تک چھپ جاتا ہے۔ کسی فراڈ میں پھنس جائیں تو پولیس کو بھی اطلاع دیں۔